Avropa Liqasının II təsnifat mərhələsində "İnter"in rəqibi olan İsveçin "Elfsborq" klubu bu gün ölkə çempionatında növbəti matçına çıxacaq. Sportnet.az-ın məlumatına görə, "Elfsborq" "Norrçöpinq"in qonağı olacaq.
Qarşılaşma Bakı vaxtı ilə 20:30-da başlayacaq. 14 turdan sonra "Norrçöpinq" 16 xalla turnir cədvəlinin 9-cu, "Elfsborq" isə 25 xalla 4-cü pilləsində qərarlaşıb.
Azərbaycan millisinin sabiq baş məşqçisi İqor Ponomaryov 1989-cu ildə "Norrçöpinq"in formasını geyinib və həmin mövsümdə komandası çempionluq yaşayıb. 2 il sonra baş məşqçi kimi işlədiyi "Norrçöpinq"in 14 yaşlılardan ibarət komandasına qızıl medal qazandırıb
Qeyd edək ki, Bakıda keçiriləcək "İnter" - "Elfsborq" matçı iyulun 24-də saat 21:00-da başlayacaq.
