AVRO-2016-ya hazırlaşan ölkə yığmalarının iştirakı ilə növbəti yoldaşlıq görüşləri keçirilib. Sportnet.az-ın məlumatına görə, Azərbaycan millisi ilə dünya çempionatının seçmə mərhələsində eyni qrupda yer alan komandalardan Norveçlə Çexiya uğursuzluğa düçar olub.
Onlar müvafiq olaraq, Belçika və Cənubi Koreyaya uduzublar.
Digər yoldaşlıq görüşlərinə gəldikdə, Türkiyə Sloveniyaya qalib gəldiyi halda, Rusiya Serbiya ilə qarşılaşmada qələbəni əldən verib. İsveç isə Uelsi darmadağın edib.
Yoldaşlıq görüşləri
Sloveniya - Türkiyə - 0:1
Qol: Burak Yılmaz, 5
Belçika - Norveç - 3:2
Qollar: Romelu Lukaku, 3. Eden Azar, 70. Loran Siman, 73 - Coşua Kinq, 21. Veton Berişa, 48
Serbiya - Rusiya - 1:1
Qollar: Aleksandar Mitroviç, 88 - Artyom Dzyuba, 85
İsveç - Uels - 3:0
Qollar: Emil Forsberq, 40. Mikael Lustiq, 57. Con Quidetti, 87
Çexiya - Cənubi Koreya - 1:2
Qollar: Marek Suxi, 46 - Bit-Qaram Yun, 26. Hyun-Yun Suk, 40
