Avropa Liqasının II təsnifat mərhələsində "İnter" və İsveçin "Elfsborq" komandaları arasında keçiriləcək cavab görüşünə təyinatlar açıqlanıb. Sportnet.az-ın məlumatına görə, qarşılaşmaya bolqarıstanlı Stanislav Todorov baş hakim qismində göndərilib.
Ona həmyerlilərindən İvo Kolev və Martin Venev yan xətt hakimləri, Nikolay Yordanov isə 4-cü hakim qismində kömək edəcəklər. UEFA nümayəndəsi Krouford Uilson (Şimali İrlandiya), hakim-inspektor isə Qudmunder İngi Yonsson (İslandiya) olacaq.
Qeyd edək ki, iyulun 24-də "Şəfa" stadionunda keçiriləcək görüş saat 21:00-da başlanacaq.
