"Qəbələ" ötən mövsüm icarəyə verdiyi futbolçularının qaytarılması məsələsini nəzərdən keçirir. Klubun baş meneceri Zaur Əzizov keçən çempionatı "Zirə"də keçirən gənc müdafiəçi Sadiq Quliyevin yenidən "qırmızı-qara" formada çıxış edəcəyini bildirib: "Sadiqi sıralarımıza qaytarmışıq. O, növbəti mövsümə hazırlığa əsas komandamızla başlayacaq. Digər klublarda icarədə olan futbolçulardan qayıdışı dəqiqləçən hələ ki Quliyevidr".
Xatırladaq ki, "Qəbələ" Futbol Akademiyasının yetirməsi olan 20 yaşlı Sadiq Quliyev əsas heyət oyunçusu olduğu "Zirə"də Premyer Liqanın gümüş medalını qazanıb. Onunla komanda yoldaşı olmuş Tellur Mütəllimovla Tərzin Cahangirov da icarədə çıxış ediblər və "Qəbələ" Futbol Akademiyasının yetirmələridir.
