"SOCAR Türkiyə Enerji"nin baş direktoru və "Neftçi" klubunun Müşahidə Şurasının üzvü Zaur Qəhrəmanov Türkiyə Futbol Federasiyasını (TFF) ziyarət edib. Sportnet.az-ın TFF-yə istinadən məlumatına görə, Z.Qəhrəmanov milli komandaların təlim-məşq və tədris bazasında olub.
Z.Qəhrəmanov qurumun İdarə və İcraiyyə Komitəsinin üzvü Cengiz Zülfikaroğlu və federasiyanın baş katibi Kadir Kardaş ilə görüşüb, Türkiyə yığmasına Fransada keçiriləcək AVRO-2016-da uğurlar arzulayıb.
Görüşdən sonra C.Zülfikaroğlu Z.Qəhrəmanova üzərində futbolçuların adları yazılmış xatirə formasını hədiyyə edib.
