"Sumqayıt"ın növbəti mövsümə hazırlıq planları müəyyənləşib. Klubun baş meneceri Ceyhun Sultanov Sportnet.az-a açıqlamasında iyunun 22-də bir araya gələcəklərini bildirib.
Komanda hazırlığın ilk mərhələsini doğma məkanda keçirəcək: "Iyulun 9-na kimi məşqlərimizi Sumqayıtda edəcəyik. Ertəsi gün Türkiyənin Bolu şəhərinə yollanacağıq. Orada iki həftəlik təlim-məşq toplanışımız olacaq. Həmin müddətdə 4 yoxlama oyunu keçirməyi nəzərdə tutmuşuq. Bundan sonra Vətənə qayıdacağıq".
Xatırladaq ki, Samir Abasovun baş məşqçisi olduğu "Sumqayıt" ötən mövsümü 8-ci pillədə başa vurub.
