AFFA-nın inzibati binasında İcraiyyə Komitəsinin (İK) iclası işə başlayıb. Sportnet.az-ın məlumatına görə, toplantıya İK-nın cəmi 6 üzvü qatılıb.
Qurumun prezidenti Rövnəq Abdullayevdən başqa, Rauf Əliyev, Kazbek Tuayev, İsgəndər Cavadov, Vaqif Sadıqov və Qurban Qurbanov bir araya gəlib. İclas zalında AFFA-nın baş katibi Elxan Məmmədovla PFL prezidenti Ramin Musayev də var.
Əvəzində Elşad Nəsirov, Elmar Məmmədyarov, Firudin Quliyev və Mahir Məmmədov iclasda iştirak etmir. Toplantıda əsas müzakirə mövzusu Azərbaycan Premyer Liqasındakı mövcud vəziyyət və növbəti mövsümdə iştirak edəcək komandaların sayının müəyyənləşdirilməsi ətrafında olacaq.
Qeyd edək ki, bir həftə öncə keçirilmiş iclasda Elmar Məmmədyarov, Mahir Məmmədov və Vaqif Sadıqov yox idi.
