Türkiyənin Kartepe bölgəsində təlim-məşq toplanışını davam etdirən "Sumqayıt" klubu bu gün Gürcüstanın "Dinamo" klubu ilə yoxlama görüşü keçirəcək. Sportnet.az-ın məlumatına görə, matç Bakı vaxtı ilə 20:00-da başlayacaq.
Bu Aqil Məmmədovun rəhbərlik etdiyi komandanın 3-cü yoxlama oyunu olacaq. İlk görüşdə İran "Perspolis"inə 2:3 hesabı ilə məğlub olan "Gənclik şəhəri" təmsilçisi Özbəkistan "Bunyodkor"una minimal hesabla qalib gəlib.
Qeyd edək ki, iyulun 16-da Türkiyəyə yola düşən "Sumqayıt" bu ayın 29-da vətənə dönəcək.
