Ukrayna milli komandasının baş məşqçisi Mixail Fomenko istefa verəcək. Sportnet.az-ın məlumatına görə, "Ukrayna" telekanalı bu haqda məlumat yayıb. Bildirilir ki, 68 yaşlı ukraynalı mütəxəssis milli futbolçuları ilə görüşündə AVRO-2016-da Polşa ilə qarşıdakı oyunun onun üçün sonuncu olacağını bəyan edib. Fomenkonu hazırda köməkçilərindən olan əfsanəvi ukraynalı hücumçu Andrey Şevçenkonun əvəzləyəcəyi gözlənilir.
Xatırladaq ki, final mərhələsində uğursuz çıxış edən Ukrayna Almaniya və Şimali İrlandiya ilə matçlarda 0:2 hesabı ilə uduzaraq qrupdan çıxmaq şansını itirən ilk və hələ ki yeganə komanda olub.
