Çempionlar Liqasının II təsnifat mərhələsində "Qarabağ"a 0:4 hesablı məğlubiyyətdən sonra "Valletta”nın futbolçusu Roderik Briffa oyun haqda fikirlərini bildirib. 33 yaşlı yarımmüdafiəçi Sportnet.az-a açıqlamasında hədsiz dərəcədə məyus olduğunu bildirib:
"İlk oyunda rəqib qələbə qazansa da, hesabın minimal olması bizi ümidləndirirdi. Lakin bugünkü oyunda "Qarabağ” daha inamlı çıxış etdi və qələbə qazandı. Başqa nə deyə bilərəm ki, "Qarabağ”ı qələbə münasibəti ilə təbrik edirəm. Təbii ki, çox məyusuq”.
