Belçikanın baş məşqçisi Mark Uilmots yığmanın heyətində top qovan Radya Naynqqollan haqda maraqlı açıqlama verib. Sportnet.az-ın məlumatına görə, AVRO-2016-nın 1/8 final mərhələsində Macarıstanla qarşılaşacaq komandanın baş məşqçisi yarımmüdafiəçinin siqaret çəkdiyini və bundan xəbərdar olduğunu deyib.
Lakin o, Naynqqollana siqaret çəkmək məsələsində problem yaratmayacağını söyləyib: "Bəli, Radya siqaret çəkir və bu bir çox insanın sahib olduğu vərdişdir. Bu mövzularda çox rahatam və ona mane olmayacam. O hər zaman eyvanı olan otaqlarda qalır".
Qeyd edək ki, Naynqqollan Belçika yığmasının heyətində siqaret çəkən tək futbolçudur.
