"Qəbələ" klubu Azərbaycan futbolu tarixində rekordu təkrarlayıb. Sportnet.az-ın məlumatına görə, "qırmızı-qaralar" tarixində ilk dəfə Avropa kuboklarında 5 qola imza atıb.
Roman Qriqorçukun baş məşqçi olduğu komanda buna Avropa Liqasının I təsnifat mərhələsində Gürcüstan "Samtredia"sı ilə ilk oyunda nail olub - 5:1. Qollardan 3-nü vuran Teo Uiks isə het-trik edən 3-cü futbolçu olub. Onadək Badri Kvaratsxeliya və Ernest Nfor buna nail olub.
Qeyd edək ki, daha öncə "İnter" 2012-2013 mövsümündə səfərdə Estoniya "Trans"ına Avropa Liqasının I təsnifat mərhələsində 5:0 hesabı ilə qalib gəlib.
