Türkiyənin Bolu bölgəsində hazırlıqlarını davam etdirən AZAL növbəti yoxlama matçında Super Liqada mübarizə aparacaq "Balıkesirspor"la qarşılaşıb. Sportnet.az-ın məlumatına görə, "təyyarəçilər" meydanı 1:2 hesablı məğlubiyyətlə tərk edib.
Şüvəlan təmsilçisinin yeganə qolunun müəllifi Təmkin Xəlilzadə olub.
Qeyd edək ki, AZAL Türkiyədə buna qədər 2 yoxlama matçı keçirib. İranın 21 yaşlılardan ibarət yığması ilə 2:2 hesablı sülh bağlayan Tərlan Əhmədovun başçılıq etdiyi komanda "Mersin İdmanyurd"una qalib gəlib - 2:1.
