Bu gün Avropa Liqasında I təsnifat mərhələsinin cavab oyunları keçirilib. Sportnet.az-ın məlumatına görə, II təsnifat mərhələsinə vəsiqə qazanacaq 3 komanda müəyyənləşib.
İlk olaraq Maltada "Birkirkara" Bosniya və Herseqovinanın "Şiroki Briyeq" klubunu qəbul edib. Rəhim Həsənovun başçılıq etdiyi azərbaycanlı hakimlər briqadasının idarə etdiyi matç meydan sahiblərinin qələbəsi ilə nəticələnib. "Birkikara" səfərdə heç-heçə etdiyindən cütün qalibi kmi növbəti mərhələyə yüksəlib.
Ardınca Moldova "Zimbru" klubu Gürcüstan "Çixura"sının qonağı olub. Hava şəraiti üzündən 30 dəqiqə gec başlayan matç məhsuldar alınıb. "Zimbru" səfərdə qazandığı əzmkar qələbə sayəsində mərhələ adlayıb. "Çixura" da səfərdə 1 top fərqi ilə qalib gəlsə də, moldovalılar rəqib meydanında daha çox qol vurduğundan üstün olub.
Son oyunda isə Lüksemburqun "Jeness" klubu öz meydanında İrlandiyanın "Sent Patriks" komandasını sınağa çəkib. Bu cütün taleyini də səfər qolu həll edib. "Sent-Patriks" rəqib meydanında vurduğu qolla növbəti mərhələyə keçib.
Avropa Liqası, I təsnifat mərhələsi, cavab oyunları
5 iyul
19:45. "Birkirkara" (Malta) - "Şiroki Briyeq" (Bosniya və Herseqovina) - 2:0
Qollar: Srdan Dimitrov, 29, Stipo Markoviç, 76-öz qapısına
İlk oyun – 1:1
20:00. "Çixura" (Gürcüstan) - "Zimbru" (Moldova) - 2:3
Qollar: Georgi İvanişvili, 13, Levan Kakubava, 55 - Emerson, 45+3, 90+3, İon Jardan,, 61
Baş hakim yağışlı havadan sonra meydanın qazonunu su basdığından, matçın startını yarım saat təxirə salmağa qərar verib.
İlk oyun – 1:0
20:45. "Jeness" (Lüksemburq) - "Sent Patriks" (İrlandiya) - 2:1
Qollar: Patrik Stumpf, 22, 87 - Darren Dennehi, 78
Qırmızı vərəqə: Adrien Portyer, 90+4 ("Jeness", ikinci sarı)
İlk oyun – 0:1
