"Kəpəz" komandası Avropa Liqasının I təsnifat mərhələsinin cavab görüşündə üz-üzə gələcəyi "Daçiya" ilə səfər oyunu üçün Moldovaya yollanıb. Sportnet.az-ın məlumatına görə, heydər Əliyev Beynəlxalq Hava Limanından komanda ilə birgə klub rəsmiləri və bir neçə azarkeşlə yanaşı, menecer Vaqif Heydərli də yola düşüb.
Saat 02:30-da havaya qalxan təyyarə Bakı - İstanbul - Kişinyov reysi ilə Moldovaya yetişəcək. Oyun isə iyulun 7-də Speya şəhərindəki eyniadlı stadionda olacaq və Bakı vaxtı ilə saat 19:00-da başlanacaq.
