İspaniyanın "Real Madrid" klubunun futbolçusu Qaret Beyl yeni transfer Xames Rodriqes haqda fikirlərini bildirib. Sportnet.az-ın məlumatına görə, Beyl bu keçidin baş tutduğu üçün sevindiyini söyləyib.
O, 80 milyon avro qarşılığında Madrid klubuna gələn kolumbiyalı futbolçunun keçidinin sürpriz olmadığını deyib: "Rodiqes mükəmməl transferdir. Dünya çempionatında öz bacarığını göstərdi. Ümid edirəm ki, Kolumbiya millisində etdiklərini bizim komandada da göstərər. Hansı sistemlə oynayacağımıza və kimin heyətdə yer alacağına baş məşqçi qərar verəcək. Forma şansı qazanmaq üçün güclü mübarizə aparmalısan".
Qeyd edək ki, Qaret Beyl ötən mövsümün əvvəlində "Tottenhem"dən 100 milyon avro müqabilində transfer edilimişdi.
