Türkiyədə təlim-məşq toplanışında olan Bakının "İnter" klubu bu gün sonuncu yoxlama matçını keçirib. Sportnet.az-ın məlumatına görə, Zaur Svanadzenin komandası Gürcüstanın "Kolxeti" ilə qarşılaşıb. Premyer Liqa təmsilçisi millimizin sabiq futbolçusu Rasim Ramaldanovun keçdiyi Poti klubuna 0:1 hesabı ilə uduzub.
Qeyd edək ki, "İnter" bundan əvvəlki sınaq oyunlarını Türkiyə klubları ilə keçirərək "Gənclərbirliyinə" 4:0, "Kasımpaşa"ya 2:1 hesabı ilə qalib gəlib, "Elazığspor"la qolsuz heç-heçə edib.
