Türkiyə Futbol Federasiyasında (TFF) gözlənilməz olay baş verib. Sportnet.az-ın məlumatına görə, qurum rəsmi saytında bütün komissiyalarının istefa verməsi ilə bağlı məlumat yayıb.
Şok xəbər sayılan kütləvi istefa səbəbsiz deyil. Belə ki, TFF rəsmi açıqlamasında bunu iyulun 15-də ölkədə baş verən dövlət çevrilişinə cəhdlə bağlı olduğunu göstərib. Federasiyanın tərkibindəki bütün komissiyaların sədr və üzvləri Türkkiyədəki həmin xoşagəlməz olaydan sonra aparılmaqda olan təhlükəsizlik araşdırmasını daha səmərəli etmək üçün istefa verməyi qərara alıblar.
