İngiltərənin "Mançester Yunayted" və "Everton" komandaları arasında keçiriləcək yoldaşlıq matçı "Facebook" sosial şəbəkəsi vasitəsilə canlı yayımlanacaq. Sportnet.az-ın məlumatına görə, bu futbol tarixində sosial şəbəkə üzərində canlı yayımlanacaq ilk oyun olacaq.
"Qırmızı-şeytanlar"ın üzvü Ueyn Runi üçün xüsusi əhəmiyyət kəsb edən oyunu futbolçunun və klubunun "Facebook"dakı səhifələrindən izləmk mümkün olacaq. Runi üçün oyunu əhəmiyyətli edən amil onun "Everton"da futbola başlayıb "Mançester Yunayted"də karyerasına davam etməsidir.
Qeyd edək ki, qarşılaşma Bakı vaxtı ilə saat 23:00-da başlayacaq.
