Xorvadiyanın "Hayduk" (Split) klubu yarımmüdafiəçi Artyom Radçenko ilə yollarını ayırıb. Sportnet.az-ın məlumatına görə, bu barədə klub saytının yaydığı açıqlamada bildirilib.
Futbolçu ölkə çempionatının VI turunda "Riyeka"ya (2:4) qarşı keçirilmiş oyunda iştirak etməyib. 21 yaşlı ukraynalı futbolçu ötən həftə içkili vəziyyətdə Splittə qəza törətmiş və xəstəxanaya yerləşdirilmişdi.
Qeyd edək ki, Radçenko bu ilin qış transfer pəncərəsində "Hayduk"la anlaşıb. Buna qədər futbolçu Ukraynanın "Metallist" və "Qoverla" klublarında çıxış edib.
