Azərbaycan milli komandasının 2018-ci il dünya çempionatının seçmə mərhələsində rəqibləri yoldaşlıq görüşləri keçirib. Sportnet.az-ın məlumatına görə, Çexiya yığması evdə Ermənistan millisinə böyük hesabla qalib gəlib - 3:0. Çexlərdən qolları Ladislav Kreyçl (4-cü dəqiqə), Vaslav Kadlets (34-cü dəqiqə) və Yan Kopiç (87-ci dəqiqə) vurublar. Sonuncu yerli "Viktoriya"nın heyətində Çempionlar Liqasının III təsnifat mərhələsində "Qarabağ"la matçlarda oynayıb.
Millimizin digər rəqibi Norveç yığması də postsovet məkanı təmsilçisini - Belarus yığmasını qəbul edib. Ancaq bu oyunda meydan sahiblərinin məğlubiyyəti qeydə alınıb - 0:1. Belarusluların qələbə topunun müəllifi 56-cı dəqiqədə fərqlənən Sergey Krivets olub.
Almaniya isə öz meydanında Finlandiyaya 2:0 hesabı ilə qalib gəlib. Almanlar hər 2 qolu fasilədən sonra vurublar. Matçın 55-ci dəqiqəsində Maks Meyer, 77-ci dəqiqədə Məsut Özil fərqlənib.
