Gəncə şəhər stadionunda keçirilən "Kəpəz" - "Zirə" matçında məcburi fasilə elan edilib.
Sportnet.az-ın Gəncədə olan əməkdaşının verdiyi məlumata görə, buna künc bayraqlarından birinin dirəyinin sınması səbəb olub.
Baş hakim Ramil Diniyevin göstərişi ilə bayraq dirəyi sındığı yerdən bağlanılıb. Bu zaman oyun 2 dəqiqədən çox dayandırılıb. Futbolçular bu müddətdə vaxtlarını su içməklə keçiriblər. Fasilədən sonra isə qırıq bayraq yenisi ilə əvəzlənib.
Qeyd edək ki, hazırda "Kəpəz" öndədir - 1:0.
