"Neftçi" ilə bağlı gərgin müzakirələr "Facebook" sosial şəbəkəsində də geniş vüsət alıb.
Sportnet.az-ın məlumatına görə, klubun Müşahidə Şurasının üzvü Bəhram Bağırzadənin şəxsi səhifəsində paylaşdığı foto ciddi diskussiyalara səbəb olub. Bu, onun "Neftçi"nin Müşahidə Şurasının sədri Çingiz Abdullayevlə birgə şəklidir.
Beş saat öncə paylaşılan bu foto 700-dən çox izləyicinin rəğbətinə səbəb olub. Eyni zamanda bir çox "Neftçi"sevər Bağırzadə ilə polemikaya girib. Şura üzvü "Neftçi"nin transferlərin onunla bağlı olmadığını açıqlayıb. Bununla razılaşmayanlar, onu təndid edənlər, Abdullayevlə birgə istefaya səsləyənlər də olub, dəstəkləyənlər də.
Xatırladaq ki, Premyer Liqanın ötən turunda "Qəbələ"yə evdə 0:8 hesablı məğlubiyyətdən sonra "Neftçi"ninMüşahidə Şurasının iclası keçiirlib. Orada çıxarılan radikal qərarlar arasında klubun yay transferlərinin yararsız olduğu rəsmən təsdiqlənib.
