"Portu" və "Boavişta" komandaları arasındakı Portuqaliya çempionatının VI tur matçına yekun vurulub. Sportnet.az-ın məlumatına görə, görüş meydan sahiblərinin qələbəsi ilə yekunlaşıb - 3:1.
İlk yarını 2:1 hesablı üstünlüklə başa vuran "Portu" 86-cı dəqiqədə oyunda son nöqtəni qoyub. Bu dəfə Aleks Tellesin cinah asmasından sonra "Boavişta"nın qapıçısı Kamran Ağayev topu əlində saxlaya bilməyib. Nəticədə top qapı dirəyinə dəyərək, tora daxil olub.
Qeyd edək ki, oyunda hesabı 5-ci dəqiqədə qonaq komandanın futbolçusu Nunu Enrike açıb. Lakin 19-cu dəqiqədə "Boavişta" müdafiəçilərinin süni oyundankənar vəziyyət yaratmaq istəkləri uğursuz alınıb və Andre Silva yaxın məsafədən Kamran Ağayevlə üz-üzə qalaraq, hesabı bərabərləşdirib. 41-ci dəqiqədə isə o, penaltini dəqiq yerinə yetirib. Ağayev topun istiqamətini müəyyənləşdirsə də, zərbəni dəf edə bilməyib.
-----------------------------
22:56. Kamran Ağayev ilk yarıda 2 top buraxdı
"Portu" və "Boavişta" komandaları arasındakı Portuqaliya çempionatının VI tur matçının ilk yarısı yekunlaşıb. Sportnet.az-ın məlumatına görə, meydan sahibləri fasiləyə 2:1 hesablı üstünlüklə çıxıblar.
Hesabı 5-ci dəqiqədə qonaq komandanın futbolçusu Nunu Enrike açıb. Lakin 19-cu dəqiqədə "Boavişta" müdafiəçilərinin süni oyundankənar vəziyyət yaratmaq istəkləri uğursuz alınıb və Andre Silva yaxın məsafədən Kamran Ağayevlə üz-üzə qalaraq, hesabı bərabərləşdirib. 41-ci dəqiqədə isə o, penaltini dəqiq yerinə yetirib. Ağayev topun istiqamətini müəyyənləşdirsə də, zərbəni dəf edə bilməyib.
--------------------------------------------
21:47. Kamran Ağayev derbidə rəsmən İker Kasilyasa qarşı
Portuqaliya çempionatının VI turu çərçivəsində keçiriləcək "Portu" - "Boavişta" matçı üçün komandaların heyətləri açıqlanıb. Sportnet.az-ın məlumatına görə, qonaq komandanın heyətində qapını Azərbaycan milli komandasının üzvü Kamran Ağayev qoruyacaq.
Bununla da Ağayevin yeni klubunda debütü rəsmiləşəcək. Əvəzində millimizin digər oyunçusu Emin Mahmudov iştirak ərizəsində yer almayıb.
Komandaların heyətləri:
"Portu": Kasilyas, Layun, Markano, Felipe, Telles, Andre Andre, Danilo, Oliver, Adrian, Andre Silva, Otavio
Ehtiyat oyunçular: Joze Sa, Boli, Brahimi, Depuatr, H. Herrera, Korona, Diogo Jota
"Boavişta": Kamran Ağayev, Mesquita, Enrike, Filipe, Taloxa, İdris, Karraça, Yuri Medeyruş, Fabio Espinyo, Bukia, Diqas
Ehtiyat oyunçular: Mikael Meyra, R. Santos, Tenqarrinya, Karluş Santuş, Anderson Karvalyu, Şembri, Erivelto
Qeyd edək ki, görüş Bakı vaxtı ilə saat 22:00-da başlanacaq.
