AFFA-nın İntizam Komitəsi "Neftçi" klubunu cəzalandırıb. Sportnet.az-ın məlumatına görə, paytaxt klubu Azərbaycan Premyer Liqasının IX turunda "Qarabağ"la keçirilən görüşdə təhlükəsizliyi tam təmin etmədiyi üçün 4 000 manat cərimələnib.
Buna oyunun sonlarında meydançaya azarkeşin daxil olması səbəb olub.
Oyunun 90+2-ci dəqiqəsində "Neftçi"nin futbolçusu Katalin Tira dava-dalaşda iştirak etdiyinə görə qırmızı vərəqə alaraq meydançadan kənarlaşdırıldığı üçün 5 oyun cəzalanıb, klub isə 2400 manat ziyana düşüb.
