"Qarabağ"ın Avropa Liqasının qrup mərhələsində növbəti oyunda qonağı olacağı PAOK Yunanıstan kubokunda mübarizəyə qələbə ilə başlayıb. Sportnet.az-ın məlumatına görə, Saloniki təmsilçisi bu gün evdə " AEL Larissa"ya 2:0 hesabı ilə qalib gəlib.
Matçın 28-ci dəqiqədə hücumçu İoanniks Mustakidis hesabı açıb. Bundan 13 dəqiqə sonra isə "Qəbələ"nin argentinalı sabiq yarımmüdafiəçisi Fakundo Pereyra üstünlüyü artırıb. Bununla da PAOK yer aldığı A qrupunda 1-ci pilləyə yüksəlib. Ancaq qrupun digər matçının hələ keçirilmədiyini də nəzərə almalıyıq.
Xatırladaq ki, "AEL Larissa"da bu mövsümdən "Qəbələ"nin braziliyalı sabiq kapitanı, oyun sayında rekordçusu Dodo çıxış edir.
