Hacı Hacıyev istefa verdi
Rusiyanın "Anji” klubunun baş məşqçisi Hacı Hacıyev istefa verib. Sportnet.az-ın klubun rəsmi saytına istinadən məlumatına görə, Rusiya Premyer Liqasında sonuncu pilləni tutmuş komandanın baş məşqçisi öz ərizəsi ilə vəzifəsindən kənarlaşıb.
Hacıyev deyib: "Bilmirəm, bu vəziyyətdə kim "Anji”nin xilası üçün bundan artığını edə bilirdi. Təəssüf ki, istədiyimiz alınmadı. Yox, nə topladığımız xallar, nə vurduğumuz qollar, nə də tribunalara toplaşan azarkeşlər məni yandırır. Ən çox ürəyimi ağrıdan odur ki, "Anji”ni Premyer Liqada saxlaya bilmədik. Əlbəttə, biz bundan artığına ümid edirdik, ancaq həyat başqa sərəncam verdi. Bu cür vəziyyətdə adət etdiyimiz "bu, futboldur” sözlərinə ehtiyac duyuram. Bu və digər məsələləri qiymətləndirib, istefa verməyi qərara aldım. Ümidvaram və əminəm ki, "Anji”nin işləri yaxşı gedəcək”.
Qeyd edək ki, Premyer Liqanı 20 xalla 16-cı yerdə bitirən "Anji" növbəti mövsümdən Rusiyanın I divizionunda mübarizə aparacaq.
