Avropa Liqasının qrup mərhələsində "Qəbələ" ilə eyni - C qrupunda mübarizə aparan Belçikanın "Anderlext" klubunun meneceri Herman Van Holsbek sabiq futbolçu Steven Defurun fikirlərinə münasibət bildirib. Sportnet.az-ın məlumatına görə, klub rəsmisi hazırda İngiltərənin "Börnli" klubunda çıxış edən futbolçunun açıqlamalarından üzüldüyünü deyib.
O, "Anderlext"in Defuru satmağa hazır olduğunu söyləyib: "Futbolçuların qayda pozuntuları haqda kitab yaza bilərəm. İki il ərzində biz Stevenə hər şey etdik, köməklik göstərdik. Ancaq indi onun dediklərini oxuyanda çox üzülürəm. Defur "Anderlext"in satmağa hazır olduğu yeganə futbolçu idi".
Qeyd edək ki, Defur 2014-cü ildə "Anderlext"ə gəlib və bu ilin yanında "Börnli"yə transfer olub.
