"Neftçi"nin futbolçusu Mahir Şükürov yenidən diqqət mərkəzinə düşüb.
Sportnet.az-ın məlumatına görə, təcrübəli müdafiəçi Azərbaycan Premyer Liqasının XII turunda "Sumqayıt"la hazırda davam edən matça fərqli butsularda çıxıb.
Mahirinin ayağında olan idman ayaqqabılarının biri mavi, digəri isə çəhrayı rəngdədir. Bu praktika dünya futbolu iilə yanaşı, Azərbaycanda da olub. Konkret olaraq "Qəbələ"nin kapitanı, Şükürovla "Neftçi"də komanda yoldaşı olmuş Rəşad Sadiqov da fərqli rəngli butsularda oynamağı ilə seçilib.
Qeyd edək ki, əslən Sumqayıtdan olan Mahir vaxtilə yerli "Gənclərbirliyi"ndə oynayıb.
