"Əlbəttə, mən "Dinamo"nun baş məşqisi deyiləm. Mənim oraya qayıtmağım mümkün deyil. "Dinamo"da daha çox şey qazandım. Ancaq hazırda Azərbaycan millisinin baş məşqçisiyəm. Nə qədər ki, Azərbaycandayam, başqa klub və ya komandaya keçməyi ağlıma belə gətirmirəm". Sportnet.az-ın məlumatına görə, bunu futbol üzrə Azərbaycan millisinin baş məşqçisi Robert Prosineçki deyib.
Xorvatiyalı mütəxəssis müxtəlif fasilələr çıxış etdiyi Zaqreb "Dinamo"suna olan sevigisindən danışıb: "Mən uşaq olanda "Dinamo"nu dəlicəsinə sevirdim. Almaniyada qalanda da oğlumun Zaqreb klubunda oynamasını istəyirdim. Yenə də oraya özüm birinci qayıtdım. 90-cı illərin ortalarında hər kəs xaricdə oynamağı seçsə də, mən "Dinamo"ya gəldim. Qoca olsam da bu komandaya qayıtdım. Yenidən "Dinamo"ya qayıdıb, idarə etmək üçün çox güclü emosiyalar lazımdır".
Qeyd edək ki, R.Prosineçki 1986-1987, 1997-2000-ci illərdə "Dinamo"da çıxış edib. O, 2014-cü ildən Azərbaycan yığmasının baş məşqçisidir.
