"Qəbələ"nin Avropa Liqasının qrup mərhələsində rəqibi olan Belçikanın "Anderlext" klubu polaşlı hücumçusu Lukaş Teodorçikin taleyinə aydınlıq gətirib. Sportnet.az-ın məlumatına görə, Brüssel təmsilçisi icarədə oynayan 25 yaşlı legionerini müqavilə ilə məxsus olduğu Kiyev "Dinao"sundan 5 milyon avroya alacaq.
Belçikalılar gələcəkdə bombardirinin satışından ən azı 20 milyon avro qazanmaq fikrindədir. Teodorçik "Anderlext" Çempionlar Liqasına düşəcəyi halda qalmaq istəyir.
Xatırladaq ki, Lukaş cari mövsümdə 24 matçda 20 qol vurub. O, "Qəbələ"yə həm Brüsseldə, həm də Bakıda 3:1 hesabı ilə qalib gəldikləri matçda fərqlənib.
