Avropa Liqasının qrup mərhələsində son oyununu keçirəcək "Qəbələ"nin səfər planı məlum olub. Klubun meneceri Səbuhi Səfiyarlının Sportnet.az-a verdiyi məlumata görə, komanda dekabrın 4-də Qəbələdən yola düşəcək.
Komanda çarter reysi ilə saat 10:30-da Qəbələ - Frankfurt marşrutu ilə hərəkət edəcək. Təxminən 5 saatlıq uçuşdan sonra "qırmızı-qaralar" oyunun keçiriləcəyi Maynts şəhərinə avtobusla yollanacaq.
Komanda oyunun səhərisi eyni marşrutla geri dönəcək.
Qeyd edək ki, C qrupunun dekabrın 5-də keçiriləcək "Maynts" - "Qəbələ" oyunu Bakı vaxtı ilə saat 22:00-da başlayacaq.
