Azərbaycan üçün Avropa Liqasının qrup mərhələsində 4-cü mövsüm arxada qalıb. Sportnet.az-ın məlumatına görə, bu dəfə də qrupdan çıxa bilməyən təmsiçilərimizdən "Qarabağ” 7 xalla 3-cü, "Qarabağ” isə xalsız 4-cü yeri tutub.
Budəfəki qrup mərhələsinin əsas özəlliyi 2 qələbə qazanmağımız olub. Buna isə məlum olduğu kimi, "Qarabağ” imza atıb. Çünki nə qrupda ilk təmsilçimiz "Neftçi”, nə də son təmsilçimiz "Qəbələ" qalib gələ bilib.
Qurban Qurbanovun komandası əvvəlki 2 mərhələlərdə hərəyə 1 dəfə qalib gəlmişdi. Bunlar debütdə "Dnepr”lə səfər, sonrakı mövsümdə isə "Anderlext”lə ev oyunlarında baş verib - 1:0. Ağdam klubu bu dəfə də qol buraxmadan qalib gəlib. Qələbələr isə ardıcl, eyni rəqib üzərində olub. Bu, sonda 1/16 finala çıxan PAOK-dur. Ağdam klubu Saloniki təmsilçisini evdə 2:0, səfərdə 1:0 hesabı ilə yenib.
"Qarabağ” həm qələbə, həm də xal sayında göstəricisini yaxşılaşdıraraq yeni rekordçu olub. "Qəbələ” isə xal toplamayan ilk komandamız olmaqla antirekorda imza atıb.
Azərbaycan qrupda təmsil olunduğu 4 mövsümdə 36 oyun keçirib. Bunlardan 4-də qələbə, 10-da heç-heçə və 22-də məğlubiyyət qeydə alınıb.
Azərbaycan klublarının Avropa Liqasının qrup mərhələsində nəticələri
2012/13
"Neftçi” - 6 oyun, 3 heç-heçə, 3 məğlubiyyət, topların fərqi 4-8, 3 xal, 4-cü yer
2014/15 mövsümü
"Qarabağ” – 6 oyun, 1 qələbə, 3 heç-heçə, 2 məğlubiyyət, topların fərqi 3-5, 6 xal, 3-cü yer
2015/16 mövsümü
"Qarabağ” – 6 oyun, 1 qələbə, 1 heç-heçə, 4 məğlubiyyət, topların fərqi 4-8, 4 xal, 4-cü yer
"Qəbələ” – 6 oyun, 2 heç-heçə, 4 məğlubiyyət, topların fərqi 2-12, 2 xal, 4-cü yer
2016/17 mövsümü
"Qarabağ” – 6 oyun, 2 qələbə, 1 heç-heçə, 3 məğlubiyyət, topların fərqi 7-12, 7 xal
"Qəbələ” – 6 oyun, 6 məğlubiyyət, topların fərqi 5-14, 0 xal, 4-cü yer.
