Bu gün futbol üzrə Azərbaycan Kubokunda 1/4 finalın oyunları keçiriləcək. Sportnet.az-ın məlumatına görə, oyunları 3-ü Bakıda, biri isə bölgədə olacaq.
Mərhələyə Qəbələdə start veriib. "Qəbələ" doğma azarkeşlər önündə Bakının AZAL klubunu qəbul edib. Oyunda hesabı "təyyarəçilər" açıb. Mirzağa Hüseynpur 37-ci dəqiqədə topu tora qovuşdurub. Lakin meydan sahibləri oyunun 61-ci dəqiqəsində Filip Ozobiç və 13 dəqiqə sonra Ruslan Qurbanovun qolları ilə hesabda önə keçib. Qarşılaşma "qırmızı-qaralar"ın 2:1 hesablı qələbəsi ilə yekunlaşıb.
"Neftçi" səfərdə "Zirə" ilə münasibətlərinə aydınlıq gətirib. Oyun qonaqların üstünlüyü şəraitində keçib. "Ağ-qaralar"ın heyətində Jonas Pesalli het-trik edib. Nəticədə "Neftçi" 3:0 hesablı qələbə qazanıb.
"İnter" isə doğma azarkeşlər önündə Gəncənin "Kəpəz" klubu ilə qarşılaşıb. Əyalət təmsilçisi bu görüşdə məğlub tərəf olub. Paytaxt klubunda Rauf Əliyev və Nizami Hacıyev fərqlənib. Qarşılaşma meydan sahiblərinin 2:0 hesablı qələbəsi ilə yekunlaşıb.
Sonuncu görüş "Qarabağ" və "Sumqayıt" komandaları arasında keçirilib. Qarşılaşma meydan sahiblərinin üstünlüyü şəraitində keçib. "Qarabağ"ın heyətində Riçard Almeyda və Dino Ndlovu penalti zərbələrini dəqiq yerinə yetirib. Coşqun Diniyev və Namiq Ələsgərov hərəyə bir dəfə fərqlənib. Komandanın digər üzvü Mahir Mədətov isə dubl edib. "Azərsun Arena"da keçirilən qarşılaşma meydan sahiblərinin 6:0 hesablı qələbəsi ilə yekunlaşıb.
Azərbaycan Kuboku, 1/4 final ilk oyunlar
13 dekabr (çərşənbə axşamı)
15:00. "Qəbələ" - AZAL - 2:1
Qol: Filip Ozobiç, 61. Ruslan Qurbanov, 74 - Mirzağa Hüseynpur, 37
Hakimlər: Fariz Yusifov, Vaqif Musayev, Azər Əsgərov, Rəvan Həmzəzadə
AFFA nümayəndəsi: Vaqif Davudov
Hakim-inspektor: Asim Xudiyev
Qəbələ şəhər stadionu
17:00. "Zirə" - "Neftçi" - 0:3
Qollar: Jonas Pesalli, 44; 58; 63
Hakimlər: Əliyar Ağayev, Rza Məmmədov, Namiq Hüseynov, Mübariz Haşımov
Əlavə köməkçi hakimlər: Ömər Paşayev, Elvin Əsgərov
AFFA nümayəndəsi: Maşallah Əhmədov
Hakim-inspektor: Xaqani Məmmədov
Zirə İdman Kompleksinin stadionu
17:00. "İnter" - "Kəpəz" - 2:0
Qollar: Rauf Əliyev, 58. Nizami Hacıyev, 63
Hakimlər: Rəhim Həsənov, Yaşar Abbasov, Nahid Əliyev, Rahil Ramazanov
Əlavə köməkçi hakimlər: Rauf Cabbarov, İnqilab Məmmədov
AFFA nümayəndəsi: Sakin Məmmədzadə
Hakim-inspektor: Məlik Həsənov
"İnter Arena" (CBC Sport, canlı yayım)
18:00. "Qarabağ" - "Sumqayıt" - 6:0
Qollar: Rİçard Almeyda, 25 (P). Dino Ndlovu, 34 (P). Coşqun Diniyev, 40. Mahir Mədətov, 64; 78. Namiq Ələsgərov, 67.
Hakimlər: Orxan Məmmədov, Elman Musayev, Knyaz Əmiraslanov, Vüsal Qənbərov
Əlavə köməkçi hakimlər: Ramil Diniyev, Ramil Əhmədov
AFFA nümayəndəsi: Ramiz Abdullayev
Hakim-inspektor: Şahin Cəfərov
"Azersun Arena"
Qeyd edək ki, mərhələnin cavab oyunları dekabrın 21-də reallaşacaq. "Zirə" və "Neftçi" komandalarının güclüsü "Qarabağ" - "Sumqayıt", "İnter" və "Kəpəz" komandalarından qalib gələni isə "Qəbələ" - AZAL cütünün qalibi ilə yarımfinalda qarşılaşacaq.
