"Bizdə oynamış Emeqaranın gedişi ailə, şəxsi planda deyildi. O, sadəcə, buradan qaçdı".
Sportnet.az-ın məlumatına görə, bu fikirləri "Qarabağ"ın kapitanı Rəşad Sadıqov "Xəzər TV"də "Futbol saatı" proqramında bildirib. Təcrübəli müdafiəçi 2014/2015 mövsümünün ilk yarısında komanda yoldaşı olmuş nigeriyalı hücumçu İnnosent Emeqaradan söz açıb.
Sadıqov İtaliya A seriyasından gələn legionerin çox səviyyəli olduğunu qeyd edib: "Ona deyirdk ki, bizi çempionatda çətin oyun gözləyir. O da çıxıb qol vururdu. Bundan sonra bizə deyirdi ki, bu idi çətin oyun? Biz ona başa salırdıq ki, bizim üçün çətin qarşılaşmadır. Ancaq Emeqara yüksək səviyyəli legioner kimi çıxıb rahat qollarını vururdu. Çempionatımızın səviyyəsini görəndən sonra burada çıxışını davam etdirmək istəmədi, bilərəkdən getdi və geri qayıtmadı".
Qeyd edək ki, İsveçrə vətəndaşı olan 27 yaşlı İnnosent Emeqara Azərbaycan Premyer Liqasında 7 oyunda 4 qol vurub.
