"Xəzər Lənkəran" klubunun sabiq baş məşqçi Musataf Dənizli sonuncu iş yeri olan Türkiyənin "Qalatasaray" klubundan aldığı pulu geri qaytarıb. Sportnet.az-ın məlumatına görə, bu barədə Türkiyədə yayımlanan "Telegol" proqramının aparıcısı Serhat Ulueren bildirib.
O, Dənizli ilə danışdığını və 2015-ci ilin oktyabrında "Qalatasaray"a baş məşqçi təyin olunan mütəxəssisin klubdan aldığı pulu geri verdiyini bildirib: "Qalatasaray"dan aldığı pulu geri qaytarıb. 5 həftə daha qalsaydı, artıq məbləğ alacaqdı. Amma uğur qazanmadığı üçün istefa verməyi üstün tutub. "Məni mən edən "Qalatasaray"dı, bu pulu ala bilməzdim" dedi".
Qeyd edək ki, M.Denizli bu il martın 1-də istefa verib. O, 2013-cü il dekabrın 3-də "Xəzər Lənkəran"la müqavilə imzalayıb. Elə həmin mövsümün sonunda da komanda ilə yollarını ayırıb.
