"İlk olaraq azarkeşlərə minnətdaram ki, çox vacib oyunda gəlib bizi sona kimi dəstəklədilər. Məhz azarkeşlərin dəstəyi sayəsində işin öhdəsindən 50 faiz gəldik. 50 faiz üçün isə cavab oyununu gözləyəcəyik". Sportnet.az-ın məlumatına görə, bu fikirləri "Neftçi"nin baş məşqçisi Elxan Abdullayev Azərbaycan Kubokunun 1/4 final mərhələsində "Zirə"yə səfərdə 3:0 hesabı ilə qalib gəldikləri ilk oyundan sonra bildirib.
O, azarkeşlərdən "Zirə" ilə dekabrın 21-də keçiriləcək cavab matçında da dəstək gözləyir: "Öz meydanımızda da eyni dərəcədə dəstək gözləyirik ki, qələbə qazanıb mərhələni keçək. "Zirə” sabit, çox qol buraxmayan komandadır. İstəkli oyun nümayiş etdirirlər. Çoxlu itkimiz var idi. Əvəzində gənc futbolçulara şans verdik, onlar da ümidləri doğrultdular”.
