Azərbaycan Premyer Liqasının XIV turunda "Qəbələ"yə qarşı səfər oyununda "Kəpəz" Dario Frederikonun xidmətlərindən yararlana biləcək. Sportnet.az-ın məlumatına görə, braziliyalı yarımmüdafiəçinin adı matçın "18-liy"inə salınacaq.
Uzun müddət zədəli olan Dario çempionatın VIII turunda AZAL-la Bakıdakı oyunda zədələnərək sıradan çıxıb. O vaxtdan müalicə olunan yarımmüdafiəçi Premyer Liqa və Azərbaycan kuboku uğrunda görüşlərdə oynamayıb.
Yalnız ötən həftədən komanda ilə birgə məşqlərə qoşulan Frederiko bu ilin son turu üçün oyuna hazır olub.
