"Zirə" qış fasiləsində ukraynlı legioneri Yasin Həmidlə yollarını ayırmaq fikrindədir. Sportnet-az-ən məlumatına görə, yay fasiləsində komandaya "Rəvan"dan gələn 23 yaşlı hücumçu ümidləri doğrultmadığından gedişi realdır.
İlk 3 turda sonradan meydana çıxan Həmid zəif oyunu ilə yadda qalıb. Bundan sonra əvəzedici heyətə göndərilən gənc legioner orda da etimadı doğrutmamaqla "Zirə"dəki gələcək karyerasını böyük sual altında qalıb.
Ancaq Yasinlə müqavilənin pozulması məsələsi hələ ki açıq qalır. Çünki futbolçu klubla 3 illik anlaşama imzaladığından icarə verilməsi variantı da mümkündür.
Komandada heyət, hazırlıq məsələləri ilə bağlı iclas olacaq. Baş məşqçi Adil Şükürovun rəhbərliklə görüşündən sonra gələcək planlara aydınlıq gələcək.
