"Sumqayıt” "İnter”in futbolçusu Abbas Hüseynovu heyətində görməkdə maraqlıdır. Bu haqda Sportnet.az-a "Sumqayıt” klubunun baş meneceri Ceyhun Sultanov məlumat verib.
O, 21 yaşlı müdafiəçinin keçidini həll etməyə çalışdıqlarını bildirib: "Qış fasiləsində heyətimizə cəlb etmək istəyidiyimiz yeni futbolçulardan hələ ki yalnız Abbas Hüseynovun adını çəkə bilərəm. Onunla danışıqlar aparırıq. Çalışacağıq ki, keçidini birdəfəlik həll edək. Bu, mümkün olmasa, icarəyə götürməyə çalışacağıq. Hazırda yerli futbolçu tapmaq çətindir. Yeni oyunçuların keçidini həll etməmiş futbolçularımızdan kimisə göndərə bilmərik. Onsuz da heyətimiz geniş deyil”.
Qeyd edək ki, "İnter”in yetirməsi olan Abbas Hüseynov cari mövsümdə çox az oynayır. O, U-21 yığmasına da cəlb olunur.
Mehman SÜLEYMANOV
