"Adil Şükürovun baş məşqçi gedişindən sonra mənim məsələm hələ dəqiqləşməyib. Komandada qalıb-qalmamağım öz ixtyarıma buraxılıb". Bu fikirləri Sportnet.az-a açıqlamasında "Zirə"nin məşqçisi Zaur Həşimov bildirib. Əsas komandana baş məşqçisi Adil Şükürovun postundan gedişindən sonra onun əsas köməkçisi olmuş Həşimovun taleyi maraq doğurur.
35 yaşlı məşqçinin sözlərinə görə, klub rəhbərliyi onun vəzifəndə qalmasını istəyir: "Sadəcə, fikirləşməli olduğumdan vaxt istəmişəm. Ona görə də məsələm açıq qalıb. Bu, sırf psixoloji amillə bağlıdır. Rəhbərliklə görüşmək istəyirəm. Bundan sonra qəti qərar verəcəyəm".
Qeyd edək ki. Həşimov cari mövsümdən "Zirə"də işləyir. O, komandanın yeni baş məşqçisi Aysan Abbasov əvəzedici heyətə gedəndən sonra boş qalan vəzifəyə gətirilmişdi. Bunadəksə Həşimov "Qarabağ"ın U-19 komandasında baş məşqçi işləyirdi.
Mehman SÜLEYMANOV
