Türkiyənin "Sivasspor" klubu qış fasiləsində hazırlıq proqramını açıqlayıb. Sportnet.az-ın məlumatına görə, birinci divizion təmsilçisi 2017-ci ilin yanvarın 2-dən 9-dək Antalyadakı 1 həftəlik təlim-məşq toplanışında Azərbaycan klubu ilə yoxlama oyununu keçirəcəyini rəsmən açıqlayıb.
Sadəcə, yanvarın 8-də olacaq həmin matçda "Bakı" ilə qarşılaşacaqları göstərilib. Ancaq məlum olduğu kimi, bu, "Neftçi"dir və "ağ-qaralar" Antalyada ilk sınaq matçını məhz "Sivasspor"la keçirəcəyini bir neçə gün öncə açıqlayıb. Sivas klubunun ilk hazırlıq oyunu isə yanvarın 5-də birinci liqada rəqiblərindən olan "Manisaspor"la olacaq.
Qeyd edək ki, Azərbaycan çempionu və kubokunun qalibi olan "Bakı" hazırda həvəskar liqada çıxış edir.
