"Vətən" RİOEUG-nun koordinatoru Rövşən Babayev vəzifəsindən istefa verib. Sportnet.az-ın məlumatına görə, Babayev vəzifəsindən öz istəyi ilə ayrıldığını bildirib.
O, başqa klublardan hələlik hansısa təklif almadığını əlavə edib.
Babayev "Vətən"lə yayda müqavilə bağlayıb. O, əvvəllər "Simurq" və "Sumqayıt"ın əvəzedici komandalarında çalışarkən, ardıcıl 3 mövsüm mükafatçılar sırasına düşməyi bacarıb.
Qeyd edək ki, daha əvvəl Müşviq Qəmbərov və Rauf Mehdiyev də "Vətən"lə işbirliyinə son veriblər. Qəmbərov hazırda AZAL-ın U-19 komandasına rəhbərlik edir. Mehdiyev isə bir neçə gün əvvəl "Şəmkir"lə müqavilə bağlayıb.
