"Qarabağ” Antalyada qış təlim-məşq toplanışını davam etdirir. Sportnet.az-ın məlumatına görə, hazırlığın altıncı günündə meydançada iki məşq nəzərdə tutulmuşdu.
Antalyada kəskin hava şəraiti ilə əlaqədar olaraq komanda ilk məşqini fitnes zalında keçirib. Komandanın trenajor məşqləri təxminən 1 saat davam edib.
Günün ikinci məşqi isə yerli vaxtla 17:00-da (Bakı vaxtıyla 18:00-da) hava şəraitinə baxmayaraq, meydançada start götürüb. Təxminən 1 saat 30 dəqiqə davam edən məşq zamanı komanda üzvləri topla müxtəlif hərəkətləri yerinə yetiriblər. İki futbolçu – Reynaldo Silva və Elşən Abdullayev fizioterapevt nəzarəti altında məşqlərini davam etdirib.
Qeyd edək ki, "Qarabağ"ın sabah üçün bir məşqi nəzərdə tutulub.
