Azərbaycanın 21 yaşadək futbolçulardan ibarət yığma komandasının Qazaxıstanın "Okjetpes" klubu ilə Türkiyədəki yoxlama oyununda tanış sima olub. Sportnet.az-ın məlumatına görə, milli komandamızın sabiq futbolçusu Anatoli Ponomaryov Antalyada 2:2 hesabı ilə başa çatan matçı kənardan izləyənlər arasında olub.
Ponomaryovun tanıdığı insanlarla səmimi, qucaqlaşaraq görüşməsi qazax həmkarlarımızın fotokamerasının obyektivinə tuş gəlib.
Qeyd edək ki, vaxtilə Türkiyədə I liqada "Orduspor"da çıxış etmiş 35 yaşlı Ponomaryov futbolçu karyerasını bitirdikdən sonra FİFA agenti kimi fəaliyyət göstərir. O, futbol üzrə yeganə azərbaycanlı Olimnpiya çempionu İqor Ponomaryovun oğludur.
