2016-2017-ci il mövsümünün ikinci yarısının hazırlıqlarını Türkiyənin Antalya şəhərində davam etdirən "Qəbələ" təlim-məşq toplanışının 11-ci gününü yekunlaşdırıb.
Sportnet.az-ın klubun rəsmi saytına istinadən məlumatına görə, Roman Qriqorçukun baş məşqçi olduğu komanda ötən gün iki dəfə məşqə çıxıb. "Qırmızı-qaralar” günün ilk yarısında nəzəri məşğələ keçiblər. Günün ikinci hissəsində baş tutan məşq prosesində isə komanda toplu çalışmalarla hazırlıq keçib.
Zədədən sonra bir müddət bərpa prosesi keçən Baqali Dabo komanda ilə birlikdə məşq edib. Məhəmməd Mirzəbəyov, Elvin Camalov və Murad Musayev isə fərdi hazırlıqla kifayətlənib.
