"Qarabağ"ın futbolçusu Reynaldo Silvanın Türkiyə Super Liqasında mübarizə aparan "Adanaspor" klubuna keçidi yekunlaşmaq üzrədir. Sportnet.az-ın məlumatına görə, Ağdam klubunun baş məşqçisi Qurban Qurbanovun 28 yaşlı braziliyalı hücumçunun sabah Super Liqa təmsilçisi ilə rəsmi müqavilə imzalamaq üçün Türkiyəyə gedəcəyini bildirib.
Təcrübəli mütəxəssis danışıqların yekunlaşmaq üzrə olduğunu deyib: "Bir neçə klub Reynaldo ilə maraqlanırdı. Amma "Adanaspor"la razılığa gəldik. Sabah agenti İstanbula gələcək və danışıqlar aparacaq. Danışıqlar müsbət yekunlaşsa, Reynaldo tibbi müayinədən keçərək rəsmi müqavilə imzalayacaq" (newsport.az).
