İtaliyalı mütəxəssis Roberto Mançini İngiltərənin son çempionu "Lester"in təklifini qəbul etməyib. Sportnet.az-ın məlumatına görə, "Qalatasaray"ın sabiq baş məşqçisi bu komandaya rəhbərlik etməkdə maraqlı deyil.
Bu, onunla bağlıdır ki, "Lester" Mançininin hələ futbolçu kimi onun heyətində olduğu vaxtdan vaxtda ürəyincə olmayıb. Həmin vaxt o, bu komandada icarə əsasında 4 oyun keçirib.
Mançininin İngiltərədə iş təcrübəsi var. 52 yaşlı mütəxəssis 2009-13-cü illərdə "Mançester Siti"nin baş məşqçisi olub. İtaliyalının son iş yeri vətənində "İnter" olub. O, ötən yay Milan təmsilçisindən gedəndən sonra işsizdir.
Xatırladaq ki, "Lester" onu tarixində ilk dəfə ölkə çempionu edən digər italiyalı mütəxəssis Klaudio Ranyerini Çempionlar Liqasında "Sevilya"ya səfərdə 1:2 hesablı məğlubiyyətdən sonra qovub.
