"Qarabağ"ın kapitanı Rəşad Sadıqovun Azərbaycan Premyer Liqasının XX turunda "İnter"ə evdə 0:1 hesabı ilə uduzduqları matçdan sonra azarkeşlərlə arasında kiçik insident olub. Sportnet.az-ın oyunda olan əməkdaşının məlumatına görə, Ağdam klubunun tərəfdarları uğursuz nəticəyə görə narazılıqlarını bildiriblər.
Sadıqov da onlara yaxınlaşaraq belə davranışlarına, komandaya çətin vaxtında dəstək olmadıqlarına görə onları qınayıb.
Xatırladaq ki, son oyunlarda qələbə üzünə həsrət qalan "Qarabağ" liderliyini "Qəbələ"yə təhvil verməli olub.
