Azərbaycan milli komandasının futbolçusu Ramil Şeydayev "Jilina" klubunun heyətində Slovakiya çempionatında növbəti qolunu vurub.
Sportnet.az-ın məlumatına görə, bu, XXX turda səfərdə "Mixalovtse" ilə görüşə təsadüf edib. Oyuna 74-cü dəqiqədə daxil olan Şeydayev bundan 10 dəqiqə sonra fərqlənib.
O, qapıçıdan qayıdan topu tora göndərib.
Qeyd edək ki, bu, Ramil Şeydayevin "Jilina"da 3-cü qolu olub. Hazırda onun komandası 27 oyundan 64 xalla 1-ci pillədədir və çempionluğu erkən təmin edib.
